ဥပဒေစာအုပ်တွေကို တရားဝင် ဝက်ဆိုက်/ပေ့ချ် (Official Site or Official Page) တွေကနေ စာအုပ် PDF ဖိုင်အဖြစ်ရယူတဲ့နည်း

 ဥပဒေစာအုပ်တွေကို တရားဝင် ဝက်ဆိုက်/ပေ့ချ် (Official Site or Official Page) တွေကနေ စာအုပ် PDF ဖိုင်အဖြစ်ရယူတဲ့နည်း  

နဲ့ 

မတင်ရသေးတဲ့ လယ်ယာမြေနဲ့ပါတ်သက်တဲ့ ဥပဒေတွေ မူရင်းလင့်အတိုင်းတင်ပေးထားပါတယ်။

တင်သမျှအားလုံးရစေရမယ် အဆင်မပြေဘူးဆိုရင်ပြောပါ၊

ဥပဒေစာအုပ်များအတွက် PDF မရလို့ မလုပ်တတ်လို့ အခက်အခဲဖြစ်နေသူများကို မည်သည့် ဖိုင် အမျိုးအစားမဆို စကရင်ရှော့များ၊ JPG, JPEG, JPG!D,  PSD, PMD,DOC, DOCX, XLSX နှင့် File type အမျိုးမျိုးကို ပို့ပေးလာရင် အခမဲ့ PDF ပြန်လုပ်ပေးပါမယ်။  

www.mlis.gov.mm ကနေဒေါင်းလုပ်ယူမယ်ဆိုရင် အောက်မှာပြထားတဲ့ပုံထဲကအတိုင်းအရင်နှိပ်ပေးလိုက်ပါ၊

ပြီးရင် PDF နဲ့ယူမှာလား Word ဖိုင်နဲ့ယူမှာလား RAR ဇစ်ဖိုင်နဲ့ယူမှာလား ပြပေးပါလိမ့်မယ် ကြိုက်တာနဲ့ယူပါ။

စာဖတ်ရုံသက်သက်ဆိုရင်တော့ PDF နဲ့ပဲယူပါ။

စားကျက်မြေ အကြောင်း သိကောင်းစရာ

 စားကျက်မြေ အကြောင်း သိကောင်းစရာ

တိုင်းရင်းသားဒေသ များတွင် စားကျက်မြေပြဿနာ အဖြစ်များလေ့ရှိပြီး ဧရာ၀တီတိုင်း နှင့် အညာဒေသအချို့တို့တွင်လည်းဖြစ်လေ့ရှိသည်။ခေတ်ပြောင်းစနစ်ပြောင်း၏ အရွေ့ တွင် ဗဟုသုတ နည်းပါပြီး ရိုးသားသော အခံကြောင့်  တောနေ တောင်သူ နှင့် တိုင်းရင်း သားတောင်သူတို့မှာ မိမိ လုပ်ကိုင်စားသောက်နေသောမြေသည် မည်သည့်မြေအမျိုးအစားဖြစ်သည် ၊တရား ဝင်လုပ်ကိုင်ခွင့်ရရှိအောင် မိမိ၏ ရပိုင်ခွင့်ကိုခိုင်မာအောင် မည်သို့လုပ်ကိုင်ရမည်ကို မသိကြ။  ယခုလို မြေစျေးတက်လာချိန်တွင် လုပ်ပိုင်ခွင့်ရှိသူနှင့် ငွေကြေး စိုက်ထုတ်နိုင်သူပေါင်းကာ စားကျက်မြေတွင်လုပ်ကိုင်နေကြသည့် ဘိုးဘွားစဉ်ဆက် မိမိ ရိုးဖလာ လုပ်ကိုင်လာခဲ့သည့် တောင်သူများအား ဥပဒေကို လက်နက်သဖွယ်အသုံးပြု၍ လုပ်ပိုင်ခွင့်ရှိသည့်ဌာနနှင်ပူးပေါင်းကာ မြေပေါ်မှနှင်ထုတ်တော့သည်။မူလက စားကျက်မြေဟုဆိုကာ လုပ်ကိုင်နေသည့်မူလတောင်သူများကိုနှင်ထုတ်

Earth apk ဆော့ဝဲနဲ့ မြေ ဧက တိုင်းတာပုံ တိုင်းတာနည်း၊ မှတ်သားနည်းနဲ့ ဂူဂဲလ်မက် မြေပုံ (google map) ထုတ်ယူနည်း

Earth apk ဆော့ဝဲနဲ့ မြေ ဧက တိုင်းတာပုံ တိုင်းတာနည်း၊ မှတ်သားနည်းနဲ့ ဂူဂဲလ်မက် မြေပုံ (google map) ထုတ်ယူနည်း

လယ်ယာမြေ ဥယျဥ်ခြံ‌မြေတွေကို မိမိတို့ရဲ့ ဖုန်းကိုအသုံးပြုပြီးတော့ အကျယ်အဝန်း၊ ဧရိယာ ဧက တိုင်းတာပုံ တိုင်းတာနည်း၊ မှတ်သားနည်းနဲ့ ဂူဂဲလ်မက် မြေပုံ (google map) ထုတ်ယူနည်းလေးကို လူတိုင်းနားလည်လွယ်အောင် ဒီ ဗီဒီယို ဖိုင်လေးနဲ့ ပြောပြပေးသွားပါမယ်။

အောက်မှာ ဗီဒီယိုဖိုင် လင့်ပေးထားပါတယ် 👇👇👇

ဒီနေရာလေးကိုနှိပ်ပြီး (Youtube)ယူကျုကနေ ကြည့်နိုင်ပါတယ်

လိုအပ်တဲ့ Earth apk ဆော့ဝဲလေးကိုတော့၊ Playstore ကနေ ဒေါင်းလုပ်ယူထားရမှာပါ၊အခြားဘာမှမလိုအပ်ပါဘူး။ အောက်မှာ Playstore အဆင်မပြေသူတွေအတွက် လင့်ပေးထားပါတယ်

တိုင်းရင်းသားများအတွက် ဓလေ့ထုံးတမ်းလာ မြေယာများကို မိမိတို့ကိုယ်တိုင် စီမံပိုင်ခွင့်

မြေယာသည် တိုင်းရင်းသားများအတွက် အသက်သွေးကြောဖြစ်သဖြင့်

မိမိတို့၏ ဓလေ့ထုံးတမ်းလာမြေယာများကို မိမိတို့ကိုယ်တိုင် စီမံပိုင်ခွင့်ရှိရမည်

ယခုရက်ပိုင်းအတွင်း ရှမ်းပြည်နယ်တောင်ပိုင်း လွိုင်လင်ခရိုင်၊ ပအိုဝ်း ကိုယ်ပိုင်အုပ်ချုပ်ခွင့်ရဒေသရှိ ရွာတစ်ရွာမှ ကျနော့်အား လာရောက်ကူညီပေးပါရန် တောင်းဆိုနေမှုကြောင့် ကိုဗစ်ကာလအတွင်း ဘယ်လိုမှမဖြစ်နိုင်ကြောင်းပြန်ကြားရင်း စိတ်မကောင်းဖြစ်ရသည်။ လက်ရှိ အခြေအနေတွင် အစိုးရ၏ နိုင်ငံဖွံ့ဖြိုးတိုးတက်ရေးနဲ့ စနစ်ဟောင်းပြုပြင်ရေးထဲတွင် လယ်ယာကဏ္ဍ အနည်းငယ်ပါသော်လည်း တိုင်းရင်သား တို့အတွက်မူကား မပါသည်ကို အံ့သြစိတ်မကောင်းဖွယ်ရာတွေ့ရှိရသည်၊

၎င်းဒေသရှိ အခြေအနေကို ပြန်လှန်လေ့လာရင်း လွန်ခဲ့သည့် ၄ နှစ်ခန့်က အကြောင်းအရာမှတ်တမ်း တစ်ခု

""လမ်းဆုံရောက်နေသည့် မြန်မာ့မြေယာ အခင်းအကျင်း""

ဟူသည့်ခေါင်းစဥ်အောက်တွင်  အမှန်တရားများစွာကိုတွေ့ရှိရ၍ ယနေ့မြေယာကိစ္စစိတ်ဝင်စားသူများ၊ ပညာရှင်များနဲ့၊ ပြည်သူ့ကိုယ်စားလှယ်များ၊ နောင်ဖြစ်လာအုံးမည့် ကိုယ်စားလှယ်လောင်းများအား သိစေဖတ်စေ ကူညီနိုင်ကြပါစေခြင်းငှာ ပြန်လည်မျှဝေပေးလိုက်ပါသည်။

ဦးပိုင် တစ်ဆက်တစ်စပ်တည်းရှိသော မြေများကို ဧရိယာများခွဲစိတ်၍ မြေငှားဂရန်များ ထုတ်ပေးခြင်းမပြုရန် ညွှန်ကြားချက်။

 

ဦးပိုင် တစ်ဆက်တစ်စပ်တည်းရှိသော မြေများကို ဧရိယာများခွဲစိတ်၍ မြေငှားဂရန်များ ထုတ်ပေးခြင်းမပြုရန် ညွှန်ကြားချက်။

မြေငှားဂရန်ထုတ်ပေးရာတွင် ၁၈၈၉ ခုနှစ်၊ အထက်မြန်မာနိုင်ငံမြေနှင့်အခွန် နည်းဥပဒေ ၅၁(ခ)အရလည်းကောင်း၊ ၁၈၉၈ ခုနှစ်၊ အောက်မြန်မာနိုင်ငံမြို့နှင့် ကျေးရွာမြေများ နည်းဥပဒေ ၉ အရလည်းကောင်းလုပ်ပိုင်ခွင့်များကို အောက်ပါအတိုင်း သတ်မှတ်ပြဋ္ဌာန်းထားပါသည်..

(က) ခရိုင်အုပ်ချုပ်ရေးမှူး(ကော်လိတ်တော်အရာရှိ) သည် မြေဧရိယာ (၁) ဧကအထိ၊

(ခ) တိုင်းဒေသကြီး/ ပြည်နယ်အုပ်ချုပ်ရေးမှူး (တိုင်းမင်းကြီး)သည် မြေဧရိယာ (၁)ဧကအထက်မှ (၅)ဧကအထိ၊

(ဂ) ညွှန်ကြားရေးမှူးချုပ် (ဘဏ္ဍာတော်မင်းကြီး) သည်မြေဧရိယာ (၅) ဧကအထက်၊

သို့ဖြစ်၍ ဦးပိုင် တစ်ဆက်တစ်စပ်တည်းရှိသော မြေများကို ဧရိယာများခွဲစိတ်၍ မြေငှားဂရန်များ ထုတ်ပေးခြင်းမပြုရန်နှင့် လိုက်နာဆောင်ရွက်ရန်..။

မြေလွတ် မြေလပ် မြေရိုင်းကို အခြားနည်းအသုံးပြုခွင့်ပေးထားသည့်မြေများအား မြေငှားဂရန်၊ အခွန်လွတ်ဂရန်များ ခွင့်ပြုဆောင်ရွက်ခြင်းမပြုရန် ညွှန်ကြားချက်

မြေလွတ် မြေလပ် မြေရိုင်းကို အခြားနည်းအသုံးပြုခွင့်ပေးထားသည့်မြေများအား မြေငှားဂရန်၊ 

အခွန်လွတ်ဂရန်များ ခွင့်ပြုဆောင်ရွက်ခြင်းမပြုရန် ညွှန်ကြားချက်

မြေလွတ် မြေလပ် မြေရိုင်း လုပ်ကိုင်ခွင့်ရရှိသည့်မြေများ၊ မြေလွတ် မြေလပ် မြေရိုင်းကို အခြားနည်းအသုံးပြုခွင့်ပေးထားသည့်မြေများအား မြေငှားဂရန်၊ အခွန်လွတ်ဂရန်များ ခွင့်ပြုဆောင်ရွက်ခြင်းမပြုရန်၊ နှင့်ဘိုးဘပိုင်မြေ (သို့မဟုတ်) လက်ဝယ်ထားရှိပိုင်ခွင့်ရှိသောမြေများကို စက်မှု / စီးပွားမြေငှားဂရန် ထုတ်ပေးရန်မလိုကြောင်းသိရှိနိုင်ရန်၊ ကျွန်းများပေါ်တွင် စက်မှုဂရန် လျှောက်ထားလာခြင်းများနှင့် ပတ်သက်၍ ကျွန်းမြေ (မြေရင့်များ) ပေါ်ရှိ မြေအမျိုးအစားအပေါ်မူတည်၍ သက်ဆိုင်ရာဥပဒေများအရ အသုံးပြုခွင့်လျှောက်ထားစေပြီး ခွင့်ပြုချက်ရရှိမှသာ မြေငှားဂရန် ထုတ်ပေးခြင်းနှင့် မြေခွန်တော်ကောက်ခံခြင်းကို ဆောင်ရွက်ရန်၊ ညွှန်ကြားချက်ထွက်ရှိလာသည်။

လယ်ယာမြေလုပ်ကိုင်ခွင့် ပုံစံ(၇) လုပ်ရာတွင် လုပ်ငန်းစဉ် အဆင့်(၂) ဖြစ်သည့် ကန့်ကွက်နိုင်ရန် ထုတ်ဆင့်သည့် ကြော်ငြာစာ (ပုံစံ ၂) ဖြင့် ကြေညာရမည်ဆိုသော်လည်း သက်ဆိုင်ရာက မကြေညာပဲ အဆင့်ကျော် ဆောင်ရွက်ခဲ့လျှင် ဘာလုပ်ကြမလဲ

လယ်ယာမြေ လုပ်ပိုင်ခွင့်ပြုလက်မှတ် ပုံစံ (၇) လျှောက်ထားခြင်း

ဝန်ဆောင်မှုရယူရန် အခြေခံလိုအပ်ချက်များ

လယ်ယာမြေ ဥပဒေ ပုဒ်မ (၆) အရ

(က)   လူပုဂ္ဂိုလ်ဖြစ်ပါက -

        (၁)  လယ်ယာမြေကို အသုံးပြုခွင့်ရရှိထားသော ထိုအိမ်ထောင်စု သည် တောင်သူ လယ်သမားအိမ်ထောင်သားစု သို့မဟုတ် အိမ်ထောင်သားစုဝင် ဖြစ်ရမည်။

        (၂)   လယ်ယာမြေကို အသုံးပြုခွင့်ရရှိထားသော ထိုအိမ်ထောင်သားစု အကြီးအကဲ သို့မဟုတ် ထိုအိမ်ထောင်သားစုတွင်ပါဝင်သူတစ်ဦး သို့မဟုတ် အုပ်ထိန်းသူသည် ဤဥပဒေ   ပြဋ္ဌာန်းအတည်မပြုမီ          တည်ဆဲမြေယာဥပဒေများနှင့်အညီ တရားဝင် လက်ရှိလက်ငုတ်လုပ်ကိုင်နေသူ ဖြစ်ရမည်။