မြေသိမ်းတရားခံဘယ်သူလဲ
၂၀၁၈ ခုနှစ်က လယ်ယာမြေပြဿနာများ(လှိုင်ဘွား) ဂရုမှာတင်ခဲ့တဲ့ပို့စ်လေး ဘလော့မှာပြန်တင်ပေးလိုက်ပါတယ်၊
သိမ်းဆည်းခံ လယ်ယာမြေကိစ္စများကို
မိမိတတ်စွမ်းသလောက်ကူညီဆောင်ရွက်ပေးရင်း
စိတ်ပျက်စရာများကိုတွေ့လာရသည် လယ်မစိုက်ပဲ လယ်ဧက ထောင်ချီ၍ ပိုင်ကြသော သူဌေးကြီးများကိုတွေ့ရသလို တစ်သက်လုံး ဓါးမဦးချ တောင်ယာလယ်လုပ်ကိုင်စားလာခဲ့သော်လည်း
တောသူတောင်သားများ၏ စာပေမတတ် ဥပဒေနားမလည်၍ တစ်သက်လုံး လယ်လုပ်စားလာခဲ့ပြီး
မမြဲ ဦးပိုင် N ပြေစာ နဲ့သာအရိုးထုတ်ခဲ့ကြသူများလဲပေါလှ၏ ခေတ်အဆက်ဆက် ပင်ပန်းဆင်းရဲကြီးစွာ
လယ်ယာအလုပ်ကိုလုပ်ကိုင်ကြပေမဲ့ ကျဉ်းတစ်ကောင် ကျယ်တစ်ရှင်း ပြုတ်ပြီးအချိန်တန် ကောက်ဆွနဲ့ ဆန်ကောသာကျန်သည်ဆိုတာလဲ လူကြီးမင်းတို့မသိမဟုတ်၊လယ်ယာကဏ္ဍ မြေတောင်မြှောက်ပေးရမဲ့အစား
လယ်သိမ်းမြေသိမ်း လုပ်ခဲ့ကြ၏ လယ်ယာမြေများကိုသိမ်းကြသူတို့မှာလယ်ယာအလုပ်လုပ်ဖို့မဟုတ်
မြေကိုအရင်းအနှီးတစ်ခုပမာအစိုးရအဆက်ဆက် တာဝန်ရှိသူတို့နှင့်ပေါင်းပြီး အခြားနည်းသုံးစွဲခွင့်အပါအဝင် နည်းမျိုးစုံဖြင့် မြေကိုပုံပြောင်း၍ မြန်မာ နာမည်နှင့် နိုင်ငံခြားသားပိုင်မြေများ ဖြစ်ကုန်၏ အမြန်လမ်းမကြီး ဝဲယာ တစ်လျှောက်နှင့်တိုင်းနဲ့ ပြည်နယ်ပါမကျန် မြန်မာအမည်ခံနိုင်ငံခြားသားပိုင်မြေများဖြစ်ကုန်ပေပြီ...
လယ်ယာမြေဥပဒေမှာလည်း အားနည်းချက်များစွာရှိလျှက် ရှိတဲ့ တည်ဆဲဥပဒေများမှာလည်း လူချမ်းသာ လူဂုဏ်ထံ များအတွက်အသက်မဝင်ဆင်းရဲသား မိသားစုများအတွက်သာဒုက္ခမျိုးစုံ ပေးနိုင်သော ဥပဒေများဖြစ်နေတော့၏မှတ်မှတ်ရရ ရန်ကုန်တိုင်း မြောက်ပိုင်းခရိုင် တိုက်ကြီးမြို့နယ်ဖက်မှာ စပါးအထွက်ကောင်းလှသောလယ်များသည် ဆည်မြောင်းများလည်းပြည့်စုံလုံလောက်အောင်ရှိနေပါလျှက်
ဗိုလ်ချုပ်တစ်ယောက်မှ ရွာ၄ရွာ စလုံးမှ လယ်တွေသိမ်းပိုက်ခဲ့ပြီး ယခုအခါငါးကန်များ ဖြစ်လျှက်ရှိနေသည်မှာ
တိုင်းပြည်အတွက် လွန်စွာနစ်နာလှပြီးလယ်သိမ်းခံပြည်သူများလည်းရွာလုံးကျွတ်ဘဝပျက်ခဲ့ကြပြီး
ကစဉ့်ကလျား ဖြစ်ခဲ့ကြသည်။ ယခုနောက်ပိုင်း ကြုံလာရတဲ့ကိစ္စအများစုကတော့မမြဲဦးပိုင်
(N ) ပြဿနာများဖြစ်၏ကျနော်လေ့လာမိသလောက်တော့ယခုအသုံးပြုဆဲဖြစ်သည့်မြေစာရင်းလက်စွဲဥပဒေ အပိုဒ် ၁၂၁၄ တွင် အတည်တကျမဖြစ်သေးသည့် မြေ၏နယ်ခြားများကို မြေစာရင်းဝန်ထမ်းများက စနစ်တကျတိုင်းတာ၍ ခဲဖြင့်မှတ်သားထားပြီးပထမနှစ်မှ စတုတ္ထနှစ်အထိ မည်သို့မည်ပုံပြုလုပ်ရမည်ကို ဖော်ပြထားပြီးမြေစာရင်းလက်စွဲဥပဒေ အပိုဒ် ၁၁၁၇အရ သေချာစွာစစ်ဆေးကြည့်ရှုပြီး နောက်ဆုံး မြေစာရင်းလက်စွဲဥပဒေ အပိုဒ်(၉၃၀) အရ မြေတိုင်းစာရေးသည် အမြဲဦးပိုင်ပြောင်းလဲရမည့် မမြဲ
(N ) ပြဿနာများဖြစ်၏ကျနော်လေ့လာမိသလောက်တော့ယခုအသုံးပြုဆဲဖြစ်သည့်မြေစာရင်းလက်စွဲဥပဒေ အပိုဒ် ၁၂၁၄ တွင် အတည်တကျမဖြစ်သေးသည့် မြေ၏နယ်ခြားများကို မြေစာရင်းဝန်ထမ်းများက စနစ်တကျတိုင်းတာ၍ ခဲဖြင့်မှတ်သားထားပြီးပထမနှစ်မှ စတုတ္ထနှစ်အထိ မည်သို့မည်ပုံပြုလုပ်ရမည်ကို ဖော်ပြထားပြီးမြေစာရင်းလက်စွဲဥပဒေ အပိုဒ် ၁၁၁၇အရ သေချာစွာစစ်ဆေးကြည့်ရှုပြီး နောက်ဆုံး မြေစာရင်းလက်စွဲဥပဒေ အပိုဒ်(၉၃၀) အရ မြေတိုင်းစာရေးသည် အမြဲဦးပိုင်ပြောင်းလဲရမည့် မမြဲ
ဦးပိုင်များအား သေချာစွာတိုင်းတာ၍မှတ်ပုံတင်စာရင်း ၁.က တွင်ရေးသွင်းရမည်ဟု လေ့လာတွေ့ရှိရပါသည်...ဤသို့ဆိုလျှင်သိမ်းဆည်းခံလယ်သမားတို့အား ယနေ့မြေစစ်တို့ ပြောလေ့ရှိသော မမြဲဦးပိုင် (N) ပြေစာဖြစ်နေသည်ဟုဆိုသည်မှာ မည်သူ့တွင်တာဝန်ရှိသနည်းဟု မေးရပါတော့မည်။
ဆက်ပါအုံးမည်.........
လှိုင်ဘွား(လယ်ယာမြေ)
0 comments:
Post a Comment