လယ်ယာမြေကို အခြားနည်းအသုံးပြုခွင့်

  လယ်ယာမြေကို အခြားနည်းအသုံးပြုခွင့်

လက်ရှိ..လယ်ယာမြေနဲ့ပတ်သက်ပြီးတော့
၂၀၁၂ လယ်ယာမြေဥပဒေပုဒ်မ ၂၉/၃၀(က)/(ခ)အရ
လယ်ယာမြေလုပ်ပိုင်ခွင့်လက်မှတ်..
ပုံစံ (၇) ရှိခဲ့ရင် လယ်ယာမြေကို အခြားနည်းအသုံးပြုပုံစံ (၁၅) ‌လျှောက်လို့ရသလား ဆိုတဲ့
မေးခွန်းကို.လာမေးကြတဲ့သူတွေရှိပါတယ်..
အဲဒါကို အလွယ်ဖြေပါ့မယ်..
.
မေးသူတို့ရဲ့ အဓိက ရည်ရွယ်ချက်က..
ကိုယ်တိုင် စီးပွားရေးလုပ်ဆောင်ဖို့ မဟုတ်ပဲ..
တခြားနည်းသုံးစွဲခွင့်ရခဲ့ရင်..အကွက်ရိုက် ပြန်ရောင်းမယ် ဆိုတဲ့.. အရင်ခေတ်က အတွေးအခေါ်တွေနဲ့
ဖြစ်ပါတယ်..
..
တကယ်တမ်းက.
လယ်ယာမြေကို အခြားနည်းအသုံးပြုခွင့်က..
လျှောက်လို့ရပါတယ်..
ဒါပေမဲ့ ..တကယ်လျှောက်မယ်‌ဆိုရင်..
အကွက်ရိုက်ပြန်ရောင်းတာ အကြုံးမဝင်ပါဘူး..
ပြန်ရောင်းခွင့်လည်းမရှိပါဘူး..
..
မိမိတကယ်လုပ်ကိုင်လိုတဲ့ စီးပွားရေးလုပ်ငန်းအ‌ေပါ်မှာ တည်ဆောက်ရမဲ့...plan ကို တိတိကျကျတင်ပြရမှာဖြစ်ပါတယ်..
..
ဥပမာ..
အဲဒီနေရာမှာ
စက်ရုံဆောက်မှာလား..ဟိုတယ်ဆောက်မှာလား..
ဓါတ်ဆီဆိုင် ဖွင့်မှာလား..ဂိုထောင်လုပ်မှာလား အစရှိတဲ့..လုပ်ငန်းရဲ့.plan ကို စနစ်တကျတင်ပြရမှာ ဖြစ်ပြီး..အဲဒီနေရာကို. လယ်ယာမြေအဖြစ်ကနေ အခြားနည်းသုံးစွဲခွင့် ပုံစံ (၁၅) ကျအောင် လျှောက်ထားရမှာ ဖြစ်ပါတယ်..
..
အဲဒီလို လျှောက်ထားရာမှာ အဓိက
လိုအပ်တဲ့ စာရွက်စာတမ်းတွေကတော့..
..

(က) လျှောက်လွှာပုံစံ - ၁၄၊

(ခ) မြေစာရင်းပုံစံ (၁၀၅)၊ (၁၀၆)၊

(ဂ)ပတ်ဝန်းကျင်ပြ မြေပုံ၊

(ဃ) မြေတည်ရှိရာ အခြေပြမြေပုံ
(Location Map) ၊

(င) ဆိုက်ပလင်(Site Plan) /Project Plan

(စ) ဓာတ်ပုံမှတ်တမ်းများ၊

(ဆ) လယ်ယာမြေ လုပ်ပိုင်ခွင့်ပြု လက်မှတ်
(ပုံစံ-၇) မိတ်တူ၊

(ဇ) ရပ်ကွက်၊ ကျေးရွာ အုပ်စု လယ်ယာမြေ စီမံခန့်ခွဲမှုအဖွဲ့၏ ထောက်ခံချက်၊

(ဈ) လျှောက်ထားသူ၏ ဝန်ခံချက်၊

(ည) ဘေးပတ်ဝန်းကျင် လယ်သမားနှစ်ဦး၏ ထွက်ဆိုချက်၊

(ဋ) လျှောက်ထားသူ၏ မှတ်ပုံတင် (မိတ္တူ)၊
..
အစရှိတာတွေကို လိုအပ်ပါတယ်..
..
..
နောက် သိထားရမဲ့အချက်က. သက်ဆိုင်ရာ ပြည်နယ်/တိုင်း လယ်ယာမြေစီမံခန့်ခွဲမှုအဖွဲ့‌တွေရဲ့..
မြေယာမူဝါဒနဲ့ နိုင်ငံတော်အစိုးရရဲ့ မြေယာမူဝါဒတွေကို.. သိထားဖို့လိုအပ်ပါတယ်..
ဥပမာ သဘာဝပတ်ဝန်းကျင်ကို ထိခိုက်နိုင်သလား‌ဆိုတာတွေကအစ ပေါ့..
။။
..
ဥပမာဆိုရင်..လယ်ယာမြေကို အခြားနည်းသုံးစွဲခွင့်ပြုမိန့် ပုံစံ၁၅/က ကို ဗဟိုလယ်ယာမြေစီမံခန့်ခွဲမှုအဖွဲ့ က ထုတ်ပေးပြီး ၆ လအတွင်း.
တင်ပြထားတဲ့ လုပ်ငန်း တွေကို...
အကောင်အထည်မဖော်နိုင်ခဲ့ရင်..
ဗဟိုလယ်ယာမြေစီမံခန့်ခွဲမှုအဖွဲ့က..
အဲဒီမြေကို ပြန်လည်သိမ်းယူနိုင်တယ်‌‌ဆိုတာပါပဲ..